Che es il cussagl da classa?
Il cussagl da classa es ün instrumaint democratic. In quist discutan las scolaras e’ls scolars d’üna classa regularmaing davart temas tschernüts dad els svess. Sper il discuter vegna eir cusglià e decis i’l rom dal cussagl da classa. Tuot las scolaras e’ls scolars d’üna classa as partecipeschan al cussagl da classa culs listess drets.
Böts
Il böt principal dal cussagl da classa es da promouver la partecipaziun da las scolaras e’ls scolars i’l minchadi da scoula.
Oters böts sun:
– promouver ün bun clima da classa
– avair curaschi da dir si’opiniun
– promouver l‘esser consciaint da la respunsabiltà
– promouver la prontezza d’esser tolerant/-a
Princip
– Mincha classa (ciclus 1, ciclus 2 e ciclus 3) da la scoula Val Müstair ha ün cussagl da classa.
– Il cussagl da classa chatta lö üna jada al mais.
– Mincha cussagl da classa düra intuorn da 30 fin 45 minuts.
